2. bekkur í útikennslu í september 2023

Í september höfum við verið með útikennslu á miðvikudögum.

Við byrjuðum á því að fara með allan hópinn í skógræktina að taka upp kartöflurnar sem við settum niður í vor. Uppskeran var frekar dræm en börnin alsæl og mjög áhugasöm. Kartöflurnar voru þvegnar, flokkaðar og síðan eldaðar í mötuneyti skólans.

Síðustu tvo miðvikudaga höfum við skipt hópnum í tvennt, helmingurinn farið í skógræktina og hinn verið í vinnu uppi í skóla. Við ákváðum að tengja útikennsluna við stórubókarvinnuna og bjuggu börnin til húsið sitt úr allskyns efnivið sem þau fundu í náttúrunni. Þau unnu ýmist saman eða stök. Útkoman var fjölbreytt og skemmtileg.

Á leiðinni í skógræktina leituðum við að umferðarmerkjum og æfðum okkur í að fara eftir umferðarreglunum.