Dagur íslenskrar náttúru 16. september

Sextándi dagur septembermánaðar er tileinkaður íslenskri náttúru. Það á vel við að tileinka slíku ómetanlegu og einstöku fyrirbæri sérstakan dag. Haldið hefur upp á daginn frá árinu 2010 en ákveðið var að tileinka íslenskri náttúru sérstakan heiðursdag til að undirstrika mikilvægi hennar. Dagsetningin sem varð fyrir valinu er fæðingardagur Ómars Ragnarsson, frétta- og þáttagerðarmanns, sem hefur verið óþrjótandi við að opna augu almennings fyrir þeim auðæfum sem felast í náttúru landsins og mikilvægi þess að vernda hana og varðveita.

Nemendur og starfsmenn Grundaskóla hafa eflt græn spor í allri starfsemi skólans. Einnig leggur skólinn sífellt meiri áherslu á útikennslu en um slíkt er getið í kennsluskrá allra árganga. Við hvetjum allt skólasamfélagið að huga markvisst að umhverfisvernd enda hvílir framtíð lands og þjóðar á grænum skrefum.