Góðir gestir í heimsókn

Föstudaginn 27. nóvember síðastliðinn komu í heimsókn til okkar góðir gestir úr Lionsklúbbnum Eðnu. Þær komu færandi hendi og afhentu skólanum að gjöf tvær kúlusessur. Ragnar Páll Aðalsteinsson, nemandi í 4. bekk, tók við gjöfinni fyrir hönd nemenda í Grundaskóla.
Við erum afar þakklátt Eðnu-konum fyrir þessa frábæru gjöf. Hún mun nýtast vel í skólastarfinu. Nemendur og starfsfólk Grundaskóla óskar þeim alls hins besta í þeirra góða starfi.