Umferðarreglur í upphafi skólaárs

Ágætu foreldrar/forráðamenn

Í upphafi hvers skólaárs er nauðsynlegt að fara yfir þær umferðarreglur sem gilda fyrir gangandi og hjólandi vegfarendur til að leggja grunn að auknu öryggi nemenda í umferðinni. Sérstaklega er mikilvægt að huga vel að yngstu nemendunum en við skulum ekki gleyma að fræða þau eldri líka.  

Þáttur heimilanna er mikilvægur í umferðarfræðslu og forvörnum sem felst meðal annars í því að sýna gott fordæmi. Til að styðja heimilin í þeirri viðleitni, býður skólinn fram gátlista sem foreldrar/forráðamenn geta stuðst við þegar þeir vinna með börnum sínum að því að tryggja sem best öryggi þeirra í umferðinni.

Gátlisti sem gott er að fara yfir með börnunum

• Leiðin milli heimilis og skóla
• Leiðin frá heimili til vina
• Gangstéttir
• Gangbrautir
• Gangbrautarljós
• Umferðarljós
• Vegir án gangbrauta og gangstétta
• Öryggi barna í bíl
• Öryggi í kringum rútur og strætó
• Hjól – reiðhjól, hlaupahjól, línuskautar
• Hjálmanotkun – stilla hjálminn rétt
• Ljós og bjöllur á hjólum
• Endurskinsmerki
• Örugg leiksvæði

Það er mikilvægt að brýna fyrir nemendum að fara öruggustu leiðina í skólann og vera vel vakandi í umferðinni.

Bestu kveðjur frá Grundaskóla