Myndmennt í 4.bekk

22.október 2024 – Myndmennt

Í myndmennt lærir 4.bekkur um Kúbisma.Þau kynnast Picasso og hans framlagi til listastefnunnar.
Því næst vinna þau verkefni sem heitir á ensku “Roll a masterpiece: Pablo Picasso” eða beinþýtt á ilhýra “Kastaðu fram meistaraverki: Pablo Picasso” þar sem teningakast ræður því hvers konar auga, munn, eyru og nef koma fram á listaverkinu þeirra.

Útkoman er mjög skemmtileg en unnið var með blýantsteikningu sem var síðan lituð með olíupastellitum, öðru nafni klessulitum. Í lokin er farið ofan í línurnar með svörtum lit sem skilgreinir enn betur formin sem réðust af teningakastinu.

Börnin höfðu mjög gaman af þessu verkefni.

List-og verkgreinakennari: Lilja Margrét Riedel.