Níundi bekkur á faraldsfæti

9. bekkur í sínu náttúrulega umhverfi

Eins og margir vita er pláss af skornum skammti í Grundaskóla þessa dagana þar sem einni álmu hefur verið lokað vegna viðgerða. Níundi bekkur skólans hefur verið í Frístundamiðstöðinni við Garðavöll síðustu vikurnar en er nú fluttur í húsnæði Fjölbrautaskóla Vesturlands og hitti þar fyrir tíundu bekkinga skólans sem þar hafa dvalið í góðu yfirlæti.  Báðir þessir árgangar munu klára skólaárið í húsnæði FVA og enn er óljóst hvernig húsnæðismálin verða leyst á næsta skólaári.