Skólastarf hefst samkvæmt stundaskrá á mánudag

Skólastarf Grundaskóla hefst á ný eftir stutt Covid-hlé á morgun, mánudaginn 8 nóvember. Fylgt er hefðbundnu starfsskipulagi og stundaskrá fyrir hvern aldurshóp. Til upplýsingar þá fór starfsfólk skólastofnana á Akranesi í sýnatöku um helgina og eru niðurstöður okkur mjög hagstæðar þrátt fyrir mikið og útbreitt smit í samfélaginu. Hins vegar er full ástæða til að minna alla á mikilvægi sóttvarna og fara varlega.

Ítrekaðar eru óskir til foreldra og forráðamanna um að upplýsa skólann ef Covid 19 smit hefur verið greint þannig að við getum komið á betra sambandi við heimilisfólk, þétt raðirnar og þjónustað viðkomandi fjölskyldur betur meðan á einangrun stendur.

Bestu kveðjur út í skólasamfélagið. Við gerum þetta saman.

Skólastjórn Grundaskóla