Stefnan sett í 10.bekk

Um þessar mundir er 10. bekkur að vinna að skemmtilegu verkefni sem heitir Stefnan sett og endar á að nemendur mæta í sviðsett atvinnuviðtal.

Áður en nemendur mæta í viðtalið fer fram undirbúningsvinna sem unnin er í gegnum hinar ýmsu námsgreinar eins og ensku, upplýsingatækni, dönsku, náms- og starfsfræðslu, íslensku og stærðfræði.

Áherslan í verkefninu er á þætti eins og styrkleika, sjálfsþekkingu og áhugasvið auk þess sem þeir læra um hinar ýmsu námsleiðir, vinnumarkaðinn, launaseðilinn og skatta.

Nemendur gera ferilskrá, taka styrkleikakönnun ásamt fleiru.

Gestir í heimsókn

Í tengslum við verkefnið höfum við fengið góða gesti í heimsókn. Við fengum kynningu frá VR þar sem nemendur lærðu um réttindi og skyldur á vinnumarkaði, Þorgrímur Þráinsson kom með fyrirlesturinn ,,Ástfanginn af lífinu” auk þess sem nokkrir foreldrar úr árganginum kynntu störf sín.

Við fengum kynningu á námi og störfum iðjuþjálfa, prests, flugstjóra og sjúkraflutninga- og slökkviliðsfólks.

Kynningarnar vöktu mikla lukku og voru nemendur áhugasamir og hæstánægðir með kynningarnar.