Valnámskeið á unglingastigi

Undanfarnar vikur hafa nokkrir nemendur á unglingastigi verið í valnámskeiði þar sem smíðuð hafa verið ýmis tæki og vélar úr K'nex kubbum. Um leið höfum við velt fyrir okkur ýmsum eðlisfræðilegum lögmálum, hlutföllum í gírum og fleiri þáttum sem nauðsynlegt er að veita athygli við hönnun og smíði þessara tækja.
Lokaverkefnið í námskeiðinu var að smíða tívolítæki að eigin vali og settur var upp skemmtigarður með parísarhjólum og hringekjum, bæði handknúnum og vélknúnum. Nemendur í skóladagvist komu í skoðunarferð og þótti mjög gaman að sjá hvað hægt er að smíða flotta hluti úr K'nex kubbum.