Verum ástfangin af lífinu

Í síðustu viku heimsótti Þorgrímur Þráinsson Grundaskóla og hélt fyrirlestur fyrir nemendur í 10. bekk á sal skólans. Fyrirlesturinn nefnist, "Verum ástfangin af lífinu." Um er að ræða hvatningarfyrirlestur þar sem brýnt er fyrir nemendum að bera ábyrgð á sjálfum sér, sýna samkennd og þrautseigju, koma fallega fram og sinna litlu hlutunum dags daglega. Í stuttu máli það sem skiptir mestu máli í lífi okkar allra.

Fyrirlesturinn vakti áhuga hjá nemendum enda er Þorgrímur bæði reyndur og góður fyrirlesari.