Fréttir

Að vanda er nemendum er skara framúr í námi veitt verðlaun við útskrift í 10. bekk. Í ár voru verðlaunahafar nokkrir og í ólíkum námsgreinum.

Nýlega kynntu menntamálayfirvöld ákvörðun um fyrirhugaðar breytingar á framkvæmd samræmdra könnunarprófa í grunnskólum. Liður í þessum undirbúningi var meðal annars rafrænt æfingapróf fyrir 3.

Grundaskóli hefur tekið þátt í Hjólað í vinnuna í mörg ár. Fyrstu árin skráði fólk sig í lið og þá tóku nokkrir þátt á hverju ári og voru mjög duglegir má þar nefna Margréti Þorvaldsdóttur og Leó Jóhannesson sem hjóluðu alltaf í vinnuna allan ársins hring.  Í dag er það starfsfólk á hverju stigi sem skráir sig til keppni sem lið.

Búið er að kjósa nýjan formann og varaformann nemendafélags Grundaskóla fyrir skólaárið 2016-17. Sex einstaklingar buðu sig fram og stóðu þeir sig mjög vel að koma skoðunum sínum og hugmyndum á framfæri.  Formaður NFG  á næsta skólaári verður Ylfa Claxton og varaformaður Róberta Lilja Ísólfsdóttir. Við óskum stelpunum til hamingju.

Á mánudaginn 30. maí verður árlega skólahlaupið haldið. Hlaupið byrjar kl. 10 fyrir neðan Akraneshöllina svo allir þurfa að mæta tímanlega. Ekki verður skráð niður hringjafjöldi en endilega hvetjið krakkana til að fara allavega 2 hringi (max 4 hringir, hlaupi lokið kl.11) Allur skólinn hleypur á sama tíma svo kennarar og sem flestir skólaliðar líka. Hlökkum til að sjá ykkur öll hress og kát í sumarskapi  Vegna þessa fellur öll íþrótta- og sundkennsla niður milli 8 og 12.   Kær kveðja, íþróttakennarar.

Á heimasíðu Akraneskaupstaðar eru nú auglýst laus störf almennra starfsmanna og iðjuþjálfa í Grundaskóla skólaárið 2016-2017.